Lauko Ermuko Errotabarrik hitzordu garrantzitsua zuen atzo. Sailkapenean bigarren zegoen Beti-Onak taldearen kontrako norgehiagoka zuten, etxetik kanpo; eta, irabaziz gero, matematikoki ligako txapeldun izango ziren.
Partidaren lehen minutuetan aurrea hartu zuten atarrabiarrek, baina oldarraldia eten eta laster berdindu zuen markagailua Errotabarrik. Lehia estu mantendu zen partida bukaerara arte, gehienez bi goleko aldearekin. Amaierako minutuetan, ordea, azken ahalegina egin zuten ermuarrek, bi puntuak ziurtatu nahian. Azkenean, 20-24 markagailuan bukatzea lortu zuten, ligako txapeldun bihurtuz.