Segurtasun Sailetik jakinarazi dutenez, erasoa 06:00ak aldera gertatu da, San Pelayo auzoko etxebizitza batean. Bertaratu diren patruilek eskaileretan topatu dute ustezko egilea. Etxe barrura sartu eta sukaldeko lurrean topatu dute biktima, odol ugari galduta. Arma zuriz egindako zauriak zituen lepoan, toraxean, saihetsetan, sorbaldan eta beso batean. Donostiako Ospitalera eraman dute, egoera larrian.
Erasoan erabili den labana etxebizitzan bertan aurkitu dute. Atxilotutako gizona, biktimaren anaia, Eibarko polizia-etxera eraman dute, ondoren epailearen esku uzteko.
