Egunean Behinen 21. denboraldiko zortzigarren astea igaro ondoren, Tokikom Ligako sailkapen orokorrean bosgarren postuan dago Barrenaren taldea. Euskarazko tokiko hedabideen arteko lehia du berezitasun jokoak, eta hainbat hedabide ari dira parte hartzen bertan, tartean Barrena ere. Azken asteak erabakigarriak izango dira sailkapenean ahalik eta posturik onena lortzeko.
Bestalde, Egunean Behinen 21. denboraldiak irauten duen bitartean, Barrena bere taldeko kideen artean astero sari bana zozkatzen ari da. Zortzigarren asteko irabazlea Haritz Alberdi itziartarra izan da eta Egotzako gazta jasoko du sari gisa.
Denboraldiaren amaieran, gainera, Barrenako jokalaririk onenak ere izango du saria. Gaurtik igandera jokatuko da azken astea, eta azken puntuek erabakiko dute sailkapena. Barrenaren taldean denboraldia lehen postuan amaitzen duenak Yurrita arrain kontserben produktu sorta bat irabaziko du.