Auzo Udalak ohartarazi du bilkuran hitz egin nahi dutenek batzarra hasi baino zortzi ordu lehenago jakinarazi beharko dutela; "eta betiere, gai zerrendan ezarritako gaien inguruan hitz egiteko izango da", erantsi du.
Honakoa da batzarrean eztabaidatuko duten gai zerrenda:
- Aurreko bilkurari dagokion aktaren zirriborroa onartzea, hala badagokio.
- Alkatetza dekretuen kontrola.
- San Nikolas jaiak gauzatzeko Izarraitz Bizirik elkarteari onartutako 8.057 euroko dirulaguntzaren berri eman eta Auzo Udalak bere gain hartu duen zezenei dagokien 5.943 euroko gastuaren berri eman.
- Txindurri Iturriko bidea: 45.683,55 € (BEZ barne) euroan esleipena, eta irailean burutu diren lanen berri eman.
- Itziarren hiru hilabeteko frogaldirako jornada osoan etorri den udaltzainaren berri eman.
- Itziarko eskolak Gipuzkoako foru aldundiak onartutako garapen jasangarrirako proiektuan jasotako % 80 dirulaguntzari Itziarko Auzo Udalak gainontzeko % 20 diruz laguntzea onartzea (806,92 €), hala badagokio.
- Itziarko Peria antolatzeko Deba-Itziar enpresa parkeari eta dagokion partzelari eskatutako baimenaren berri eman.
- Itziarko Peria Batzordeari beharrezko baliabideak eta seguruak ordaintzea erabakitzea, hala badagokio.
- Erreguak eta galderak.