Egoera hori salatzeko, Maputxe izeneko ekintzailea behin baino gehiagotan igo da parkeko zuhaitzetara. Azkenengoz urriaren 24an egin zen manifestazio egunean igo zen, eta, momentuz –azaroaren 10a gaur–, bertan jarraitzen du. Bi aste pasata daramatza bertan, eta proiektua bertan behera geratu arte ez dela jaitsiko adierazi du Maputxe-k.
Subflubialari Ez Plataformak deituta, herritarrek elkarretaratzea egin dute Maputxe igota dagoen zuhaitzaren azpian, elkartasuna adierazteko eta babesa emateko. Aldarrikapenak hauek dira: azpiegiturak ez du lortuko trafikoan dauden arazoak konpontzea –Bizkaiko Foru Aldundiak ere onartu du hori–, erakartze efektua izango duelako, eta proiektua egiteko jarriko dituzten 600 milioi euroak garraio publikoa indartzeko erabiltzeko eskatu dute.
Eskerrik asko, Maputxe, ingurumenaren eta herritarren defentsaren aldeko ekintza solidarioa egiteagatik.
Z.A.