Berogailua ez da luxua, beharra da. Zer esanik ez jatekoa. Supermerkatuek mozkin errekorra lortu dute. Baina aipamen berezia gasolinaren sektoreak merezi du. Repsol, adibidez. Repsolek 5.006 milioi euroko mozkina lortu du irailera arte, iaz baino %325 gehiago!
Bankuak, berdin. Euskal bankuek irabazi errekorrak izan dituzte; zifra historikoak. Euskadi Espainiaren buruan dago, inbertsio funtsetara eta pentsio planetara bideratutako diru-ratioan. Bitartean, Euskadiko soldata ohikoena, INEren arabera, 25.000 euro da –gordinik!–, eta gutxiago ere irabazten dute askok. Esandakoa. Askoren negua, gorria. Gutxi batzuena, beroa.