Seguru gutako gehienok ez garela hasiko makina-erremintak, trenak eta robotak erosten, baina ez al dira Kilometro Zerokoak ere hainbat esku-erreminta, bizikleta, ehiza-tresneria, kirol-arropa, sukalde edo bulegotako gailuak, eta gure edozein dendariren edo profesionalen produktuak eta zerbitzuak? Gure sektorerik handienetakoa automozioa denez (Euskadiko BPGren %13), gogoan izaten al dugu autoa (europarra) erosterakoan?
Eta gutxitan pentsatu arren –inguruko administrazio, eskola, kultura, literatura eta hedabideak tarteko— ez al da euskara Kilometro Zeroaren ezaugarririk handiena? Gatozen berriro baserri-girora. Euskaldunok gaztazaleak gara eta gaztairik onenak gureak omen dira. Bai, baina gure gazta-kontsumoaren %90 kanpotik dator