Herriko erdigunean bertan zegoen eskolara joan ziren, neskak maistra batekin eta mutila maisuarekin; irakurtzen eta idazten zein lau taulak ondo ikasiko zituzten, batuketetatik zatiketetara. Eskolan sakabanatuta zeuden arren, handik kanpora gehienetan neska eta mutil elkarrekin olgatzen zuten: elizpean esku-pilotan, txirikillan… Nesken artekoa izaten ziren, ostera, txantxurrike, tortolosetan edo soka-saltoan egiteok.
Hamabi urte egitean amaitutzat eman ziren nesken eskola kontuak: etxeko zereginak eta merkatuko salerosketa euren kargu geratuko zen handik aurrera. Mutilak, ostera, estudioekin jarraitu zuen, Armeria Eskolako formakuntza osatu arte.