Irribarretsu, ezker eskuma daude Donatz baserriko Edurne Solozabal, Iturraldeko Lucia Lasuen, Galarrako Rosa Mari Arregi, Aldasoloko Josepa Ciarsolo eta azkenik, sasoiko modako poltsoa eskuan, Sahietzaneko Begoña Larrinaga.
Mallabiko plazan, Fructuoso Bastidak eta haren familiak zuen taberna parean erretratatu zen andra boskote hau Rosa Mari Arregiren solteratako agurraren arrimura, berau Durangoko Jose Munitxarekin ezkondu aurretxoan. Balkoian Telefono irakurri daiteke, deiak egiteko zentraltxoa zutela adierazten zuen kartela.