Argazkia Santixuetan, Zezen egunez atera zen eta herritar askok eguerdiko sardina-jana errekako freskuran egiten zutenez, bertan egoten zen jai giro eta zer ikusi interesgarriena. Petril gainean jarrita eta Urretaneko tailerraren parean hortxe dira ezkerretik eskumara Miren Laka, Lumi Ramos eta Aintzane Laka.
Zubiaurren, errekara ez jausteko, harrizko petril luzea zegoen eta herriko gazteentzat, neska zein mutil, ohiko entretenimendua zen haretxen gainean jarrita orduak ematea, kontu-kontari eta ikusmiran.