Erretratuari ezker eskuma begiratuta tente daude Eusebia Artamendi ama (1867) eta beronen seme-alaba nagusienak: Ezekiel (1888), Victorina (1895), Txomin (1892) eta Maria Josefa (1891) Gisasola Artamendi. Erdian Tomas Gisasola aita (1864), Juan Domingo Artamendi (1835) aittitte, Patxi (1889) eta Mateo (1898). Aurre-aurrean etxeko txikienak: Serafina (1901), Estanis (1905) eta Pedro (1904). Etortzeko zen Marcelino (1910) eta ordurako hilda zegoen Josefa Antonia (1894), 4 urte egin berritan zendutakoa.
Argazkia euren baserriaren ezkerreko hegalean atera zuten Artamendi Bekon eta eraikinaren harria estaltzeko, atzean goitik beherako alfonbra bat jarri zuten. Horma lisoak eta porlanarekin raseatutakoak ziren orduan dotoreagoak, gaur egun bistaratutako harriak diren modura.