Aurreko astean kirol eragileekin egindako bileraren ostean, Ipintzako harmailaren gaia lasaiago aztertu eta ekarpenetarako tarte bat eman diete eragileoi. Dena dela, Udaletik jakinarazi dute harmailaren kokapena erabakita dagoela; saihesbidearen aldean kolektorea doala kontuan izanda, beste aldean, Agorrosinekoan jarriko dute harmaila. 30 metro luze izango ditu, eta 150 jarleku, hiru ilaratan.