Gaur zortzi, urriaren 2an, izango da Kilometroak jaia Bergaran eta motorrak berotzeko azken txanpan ari dira Aranzadi ikastolakoak. Orain arte moduan, atzo ere, herritarren erantzuna paregabea izan zen, Udal Pilotalekua bete egin zen-eta, Alous Quartet hari laukotearen 'Garden' diskoan oinarritutako ikuskizunaz gozatzeko. Hari-laukotearekin batera Ken Zazpi taldeko Eñaut Elorrieta, Oreka TX bikotea eta Bergarako Edu Muruamendiarazek gidatutako Aukeran dantza taldea izan zen agertokian.