Eguraldi paregabearekin egin ahal izan dute 100 atleta inguruk Osintxuko lehen mendi lasterketa. Lokatz barik, baina zelaiak goizeko ihintzarekin bustita, parte-hartzaileek zirkuituaren azkartasuna baieztatu ahal izan dute, nahiz eta bazituen malda gogorrak. Gizonezkoetan Iñigo Alzola arrasatearra izan da azkarrena (46.16) eta emakumezkoetan Elgoibarko Maddi Mujikak (58.24).