Bergarako Orkestra Sinfonikoak kontzertua eskaini zuen atzo Mariaren Lagundiako elizan. Musikarien zaindari Santa Zeziliaren omenez, kontzertu berezia izan zen; ohikoa baino formatu txikiagoan jo zuten, taldekako instrumentuak nabarmenduz. Eliza goraino bete zen –120 lagun inguru– eta ikus-entzuleek txalo zaparradekin eskertu zituzten orkestrak interpretatutako pieza bakoitza.