Bergarako Udal Pilotalekuan atzo gauean jokatutako 2017ko buruz buruko final zortzirenetako partiduan, Beñat Rezusta bergararrak Victor Esteban errioxarra garaitu zuen (19-22). Binakako txapeldunak harrera beroa jaso zuen bere herrian, eta partidua nahi bezain ondo hasi ez bazuen ere, buelta ematea lortu zuen, eta orain Jokin Altuna izango du zain final laurdenetan.