Gipuzkoako Futbol Federazioak denboraldiko klub onenaren saria eman dio Bergara Kirol Elkarteari Elgoibarren egindako urteko batzar orokorrean. Sari horrekin BKEren lana goraipatu gura izan du federazioak. "Sari oso garrantzitsua martxan dugun proiektuarekin jarraitzeko. Eskerrak eman gura dizkiegu federazioari eta Gipuzkoako futbol taldeei errekonozimendu honengatik".