Atzo, uztailak 13, Bergarako Udalak Boluko auzotarrekin bilera berri bat egin zuen frontoia estaltzeko proiektuaren harira. Gobernuaren arabera, askotariko iritziak jaso ziren. "Iritzi trukaketak eta aldeko zein kontrako adierazpenak jaso ostean, auzoak erabakitzeko ordua da", esan du alkateak. Galdeketa loteslea egingo dute; galdera bera eta galdeketaren eguna aurrerago jakinaraziko dute.