Kataluniari elkartasuna adierazteko, 'Agure zaharra' abestuko dute Iralan

Herriko hainbat musikarik deituta, Kataluniari elkartasuna adierazteko deia egin dute biharko, urriak 5, Irala kalean (20:00). Agure zaharra abestia kantatuko dute eta antolatzaileen asmoa da aldez aurretik bideo bat sare sozialen bidez zabaltzea herritarrek entseatzeko aukera izan dezaten. Abesteaz gain instrumenturen bat jotzen dakienari jotzera hurbiltzeko gonbidapena egin diote.