Dokumental itxurako gertuko erreportajeak bueltan dira Goiena telebistan udaberriko programazio berrian. Horien artean bikien gaineko Biki bizi ikus-entzunezkoa estreinatu berri da. Genetikoki berdinak izateak badu eraginik bikien izaeran? Zer-nolako lotura dute euren artean? Galdera askori eta oso hedatuta dauden zenbait uste okerri erantzuten die ikus-entzunezkoak Arrasate, Aretxabaleta eta Bergarako hiru bikiren istorioen bitartez.