Mahonero astebukaera: futbolaz harago doan jaia

Ekainaren 22an eta 23an egingo du hirugarrenez denboraldi bukaerako jaialdia Bergara Kirol Elkarteak. "Aste bukaera atsegina pasa gura dugu klubeko jokalariekin, entrenatzaileekin eta zaleekin batera. Baina, ekitaldiak irekiak dira herritar guztiendako. Futbol familiaz harago doan ospakizuna da", esan du Iosu Elortzak. Aurtengo berrikuntzak dira musika eskolak egingo dituzten emanaldiak eta Ander Capa futbol campusa.