Gero eta jende gehiagok aukeratzen ditu urrutiko lekuak oporrak igarotzeko. "Urrun egotearen kontzeptua aldatzen ari da, jada ez dago ezer urruti, ez dago mugarik", Bergarako Eroski Bidaiak-eko Lide Gomezen hitzetan. Oso garrantzitsua da, baina, bidaiatuko dugun tokiko baldintzak aldez aurretik ezagutzea, segurtasun nahiz osasun ikuspegitik. Oñatiko anbulatorioko mediku Ana Pinillak eman ditu osasun aholkuak.