Brigade Loco taldeak etxean aurkeztu du 'Ekintzek dute hitza' lan berria
Lehen lan luzea kaleratu berri du Bergarako taldeak eta "modu berezian" aurkeztu gura izan dute herrian; hori horrela, aspaldiko lagun dituzten Tafallako Rotten XIII eta Beasaingo Azken Sustraiak musika taldeak eta herriko DJ Aifil gonbidatuta, punk-rock eta oi! doinuak nagusi izan ziren jaialdia egin zuten zapatuan Kartzela Zaharrean.