Irailaren 20an jarri ziren salgai Agur Etxebeste filma Bergarako Seminarixoan ikusteko sarrerak. Asko izan ziren irailaren 25eko aurre-estreinaldirako sarrera erosi nahi zuten bergararrak baina online bidezko salmentak huts egin zuen. "Ordu erdi beranduago, 18:30ean, jarri zen martxan eta sistemak etenaldi batzuk izan zituen, blokeatu egin zen. Txarteldegian ere izan ziren arazoak; ilaran jende asko zegoen eta horretarako sarrera kopuru bat bermatzeari eman genion lehentasuna", adierazi dute Udaleko Kultura Zerbitzutik. Gainerako emanaldietarako sarrerak salgai badaude oraindik; internetez eros daitezke, hemen klikatuta.