Urriaren 21ean egingo den ezohiko osoko bilkuran dira onartzekoak Bergarako Udalaren 2020rako ordenantza fiskalak, eta EAJk uste du "hainbat hutsune" dituela Udal Gobernuaren zirriborroak. EAJk hiru zutabetan oinarritu ditu proposamenak: herritarren bizitza hobetu eta herritarren arteko oreka lortzeko asmoarekin proposatzen dituzten neurriak; jarduera ekonomikoa babestekoak; eta lurraldea babesteko eta zaintza horren inguruan hobariak sortzeko neurriak. Emendakinokin gizartea, aktibitatea eta lurraldea zaintzea dute helburu, diotenez.