Udalekuetan izena emateko aukera dago oraindik ere. Bi bide daude horretarako:
- Internet bidez, HEMEN klikatuta.
- Aurrez aurre, Zuhatza Euskara Elkartearen bulegoan: hilaren 6an, 7an, 8an eta 9an arratsaldez (15:30-18:00), eta maiatzaren 10ean goizez (09:30-12:00).
Debako Udalak eta Zuhatza-Kolore Anitz Aisialdi Taldeak elkarlanean antolatutako Kolorez Blai euskal udaleku irekiak uztailaren 1etik 26ra bitartean egingo dira, bi txandatan banatuta: uztailaren 1etik 12ra izango da lehenengoa (HH5, LH1 eta LH2 mailetako haurrentzat), eta uztailaren 15etik 26ra bigarrena (LH3tik LH6ra bitarteko ikasleentzat).
Aisialdiko jarduerak astelehenetik ostiralera egingo dira, 09:30etik 13:00etara; uztailaren 25ean ez da udalekurik izango, eta hilaren 26an 09:30etik 16:30era artekoa izango da eskaintza. Edozein zalantza argitzeko edota informazio gehiagorako: 632 99 43 27.