Astean behin, San Lorenzoko ikasleak Abeletxeko egoitzara eta eguneko zentrora joango dira eta adineko pertsonekin jarduera ugari egingo dituzte: esperientzia eta istorioak trukatu, eskulanak egin, adinekoen garaiko jolasak eta gaur egungoak praktikatu, mahai-jokoetan lehiatu…
Dagoeneko lehen saioak egin dituzte. Ikasleek nagusien konpainiaz gozatzen dute, eta gogo biziz joaten dira haiek bisitatzera. Nagusiek, berriz, "indarberrituta eta aktiboago" sentitzen direla adierazten dute.