Bakoitzak bere bizitza kudeatzeko duen eskubidea oinarri hartuta, “Azken Aurreztiako borondateak” prozesu bat dira, non pertsonak planifikatzen duen, bereziki bere kabuz erabakitzeko gai ez den unerako, zein osasun-zainketa jaso edo baztertu nahi dituen etorkizunean. Horretarako modurik onena Aurretiazko Borondateen Dokumentuen bidez egitea da eta abian diren tailer hauetan hori egiten laguntzen zaie parte hartzaileei.
Tailerraren arrakasta handia azpimarratzekoa
Maiatzean 2 saiok osatuta, lehenbiziko txanda abiatu da. Tailerraren txanda bakoitzean 20 lagunek parte hartzeko aukera izan dute eta goraino bete da, itxaron zerrenda sortuz. Hori horrela ekainerako bigarren txanda abiatu da, ekainaren 1ean eta 15ean egingo dena.
Txanda bakoitza 2 saioz osatua egongo da. Lehenengo saioan zertarako balio duen, hitz-gakoak, prozedura eta bete beharreko dokumentua azaltzen dira. Bigarren saioan, gaitutako profesionalak dokumentua berrikusiko du, eta dena zuzen badago, prozesua amaitutzat emango da. Izapideak 6 hilabete irauten du gutxi gorabehera, sinatzen denetik historia klinikoan agertzen den arte. Behar izanez gero, dokumentua erabiliko da. Hala ere, sinatzaileak erabakia hartzeko momentuan komunikatzeko modurik badu, beti gailenduko da bere hitza dokumentuaren gainetik.
Izena emateko moduak
Izen ematea doakoa izango da eta bi modutan egin daiteke, maiatzaren 25a baino lehen:
-
Udaletxeko harreran, ohiko ordutegian.
-
Online galdetegia betez, hemen.
ADI! Tailerrean gehienez 20 pertsonek parte hartuko dute. Izen-emate kopurua handiagoa bada, itxaron zerrenda egongo da.