Ados Pilotaren Binakako Txapelketak joan den abendu bukaeran hasi zuen ibilbidea, Larraintzarren, eta martxoaren 28an izango du final handia, Azpeitian. Bidean Euskal Herriko 25 udalerri bisitatuko ditu, eta Bizkaikoak lau soilik izango diren arren, hauen artean dago Mallabia. Zapatu honetan, otsailaren 28an, izango da hitzordua, 17:00etan, eta sarrerak 5 euroko kostua izango du.
Pilotariak lehian, iazko Mallabiko txapelketan.
Bi partida egongo dira, batean Barrokal-Perez eta Gomez-Agirre bikoteek neurtuko dituzte indarrak; bestean, Iturriaga-Orbegozo eta Oskoz-Arrastia lehiatuko dira. Iaz, Mallabiko pilotalekuan galtzaile izan ziren Oskoz eta Agirre garaipena lortzen saiatuko dira aurten; Barrokal, Arrastia eta Orbegozo, berriz, hura berresten.