Mallabia industriagune ere bada izenburupean, herria moldatu eta eraiki duten enpresa eta tailerrak bisitatuko dituzte ekintzara batu diren hamar lagun pasak. Ibilbidean zehar, haien historia eta aspaldiko pasadizoak partekatuko dituzte hainbat herritarrek; tartean, Felipe Zelaietak, Jose Ramon Olalde alkate ohiak eta 40 urte atzera Envasa enpresa historikoan lan egindako Mariasun Mendibek. Ibilbidea bukatzean, 19:30 aldera, Arenteiro tabernan elkartuko dira eta kopaue izango dute, Berbalagunen kontura.
Ekintza doakoa da, baina izena ematea beharrezkoa da. Parte hartu nahi dutenek mezua idatzi dezakete 663 070 492 watxap zenbakira edo ermua_berba@aek.eus helbide elektronikora. Kultur Etxean ere eman daiteke izena.