Hamabost egun eskas falta dira inauterietarako, eta eragileak hasita daude egitaraua lotzen. Mendaron, azken urteotan egin ohi duten bezala, playback lehiaketa antolatu dute Arno guraso elkarteak eta Mendaroko Udalak elkarlanean, eta zabalik dago izena emateko epea. Interesatuek mezu bat idatzi beharko dute Arnoren ekintzakarno@gmail.com helbidera, ondorengo kontu hauek zehaztuta: taldearen izena, zenbat partaide izango diren taldean eta zein adinetakoak, harremanetarako kontaktu bat eta aukeratutako abestia MP3 formatoan. Otsailaren 9a da izena emateko azken eguna.
Arno guraso elkarteak eta Mendaroko Udalak playback lehiaketa antolatu dute inauterietako zapaturako (otsailak 14), eta jakinarazi dute otsailaren 9a dela izena emateko azken eguna.