Silva Querrek zuzendutakoa da filma, eta 7 urtez gorakoei dago zuzenduta. Maia neskato irudimentsu eta zalapartariak eta Jan hiriko mutil maltzurrak protagonizatuko duten abentura da gaia. Sebastian Sebastian izeneko negozio-gizonaren kontra borrokatuko dira, herriko udalekua eraitsi nahi duelako hark. Haren kontra egiteko, oraindik haran berean bizi den hartzaren bila abiatuko dira. Inork ez du hartza ikusi, baina inguruan bizi den ustea dute, eta Fritz izeneko mofeta dibertigarri eta marmarti batek lagunduko die hura topatzen.
Mendaroko Udalak eta Arno guraso elkarteak elkarrekin antolatutako zinema zikloaren baitan, Hartz-atzapar kanpamentua filma proiektatuko dute igandean, otsailaren 8an, San Agustin kultur gunean. Ziklo horren barruan emango duten hirugarren filma izango da, eta 17:00etan hasiko da emanaldia.