Haritzak izango dira gehienak, baina hariztietan hazi ohi diren beste zuhaitz eta zuhaixka batzuk ere landatuko dituzte, hala nola lizarrak, urkiak, gorostiak eta elorriak. 10:00etan Herriko Enparantzan elkartzeko dei egin dute antolatzaileek, eta oinez egingo dute Plaza auzorainoko bidea. Izan ere, Intxusadiko Goikolan sartuko dituzte.
Naturtzaindiarekin elkarlanean
Irabazi-asmorik gabeko erakundea da Naturtzaindia, eta ingurumena babesteko ardurarekin elkartutako pertsona talde batek osatzen du, bioaniztasunaren kontserbazio eta kudeaketan, basozaintzan, ingurumen hezkuntzan eta ingurumen jardunaldien antolaketan eskarmentua duen talde batek. Lan boluntarioa egiten dute, ardura bera konpartitzen duten administrazio, erakunde eta gainerako eragileekin, eta hala ari dira Mendaroko Udalarekin ere azkeneko urteetan. Naturtzainditik Iñaki Aizpurua etorriko da Mendarora azalpenak ematera.