Dendak eta tabernak zabalik daude, eta industrialdean lanegun bateko martxa baino apalagoa soma daiteke eta aparkalekuan auto gutxiago ikusten dira. Ezin jakin, ordea, grebak zenbateko eragina izan duen, momentura arte ez baitugu jarraipen-daturik eskuratu. Ospitalean, berriz, gutxieneko zerbitzuak ezarriak ditu Jaurlaritzak.
M17 Greba Orokorra
Gutxiengo zerbitzuak Mendaroko ikastetxean, liburutegia eta musika eskola itxita, eta normaltasuna kalean
Ameikutz musika eskola eta udal liburutegia itxita daude gaur Mendaron grebagatik, baina gimnasioa eta ludoteka zabalik. Mendaroko eskolan, berriz, %86ko jarraipena izaten ari da greba, eta ondorioz, gutxieneko zerbitzuak baino ez daude bermatuta. Udaletxean, berriz, 12 langiletik bederatzik egin dute bat grebarekin, eta Administrazio Saila eta brigada geldi daude.Gainerakoan, herrigunean normaltasuna da nagusi.