Lizeo berria eraikitzeko dirua biltzeko egingo dute aurten Herri Urrats, eta horri egiten dio aipamena Etorkizuna eraikiz aurtengo leloak. Izan ere "eraikiz" hitzak balioan jartzen du Herri Urrats jaietan jasotzen den sostengua zertarako erabiltzen den: ikastolak eraikitzeko. Bada, jai horretara gerturatzeko autobusa antolatuko du aurten ere In Leike kultur elkarteak, Debako Zuhatza euskaltzaleon mugimendukoekin elkarlanean.
Autobusa 08:45ean irtengo da Mendaroko tren geltoki ondotik. Autobuseko txartelak 10 euro balioko ditu eta, Mendaroko kasuan, autobusean bertan ordaindu beharko da, esku dirutan. Izena emateko mezua idatzi behar da mendaroninleike@gmail.com helbidera. 14 urtez azpikoak heldu batek lagunduta joan beharko dira. Mezuan bidaiarien izen-abizenak, adina eta telefono zenbaki bat zehazteko eskatu dute.