Foruko (Bizkaia) Baldatika baserrian jaio eta Muxikako Igertu baserrira ezkondu zen Feli Madariagaren (Forua, 1932) bizitza eta bizimodua jaso ditu Enbeitak liburuan, protagonistaren beraren berbetan. Madariagaren bizitzaren bidez, Euskal Herriko emakume baserritarren belaunaldi oso baten irudia osatu du Enbeitak, ekonomia zirkularra, komunitatea eta elkartasuna oinarritzat izan dituen belaunaldi batena. Enbeitak esana du, liburua idazten hasi zenean, Madariagak lurrarekin zuen harremana lantzen hasi zela, bereziki, baina bidean "beste gauza batzuk" topatu zituela. Horiexek aletuko ditu ostiraleko saioan.
Bizitza baten txatalak liburua aurkeztuko du Onintza Enbeitak (Muxika, 1979) ostiralean, hilak 22, Mendaroko udaletxeko udalbatza aretoan, 18:30ean, In Leike kultur elkarteak eskatuta..