Mendaroko Txirrindulari Elkarteak antolatu du gaurko lasterketa, 105 bat kilometrokoa. Mendarotik irten eta Bergarako Labe Garaietaraino bi itzuli egin dituzte txirrindulariek, eta gero, Kalbario eta Arribinieta gainak igo dituzte Mutrikun. Lasterketa, esprinean erabaki da. Zazpi txirrindulariko taldea elkarrekin helmugaratu da, eta Peru Bonilla Bidaguren izan da zazpietan azkarrena esprinean. Aipatzekoa da Besa-Geminis taldeko Manex Larrañaga Sarriegik egindako denbora ere. Hamahirugarren postuan helmugaratu da, irabazlearengandik hamalau segundora.
Ekipoka, berriz, URT Velo 64 taldekoak izan dira gaur onenak. Erregulartasunaren saria, berriz, etapa irabazi duen mutil berarentzat izan da, Peru Bonilla Bidagurenentzat, eta berak jantzi du mendiko mailota ere. Lehenengo urteko juniorren sailkapena, berriz, gaurko etapakoaren alderantzizkoa izan da. Etapan bigarren egin duen Eñaut Saizar Aizpurua (Limousin Oriako) sailkatu lehenengo postuan, eta etapa irabazi duen Peru Bonillak egin du bigarren.
Gipuzkoako Itzuliko sailkapen nagusia
Atzo aintzinetapa eta gaurko etapa kontuan hartuta, Conor Aranburu O'Relly jarri da lider (2:42:10) -atzo, bederatzigarren sailkatu zen, irabazlearengandik bederatzi segundora-. Bigarren, Eñaut Bilbao Arriaga dago (F2 Informatica), Aranbururengandik bi segundora, eta hirugarren postuan Eñaut Saizar Aizpurua, bigarrenarengandik segundo bakarrera. Sailkapen nagusian hamaikagarren dago, berriz, Elgoibarko Besa-Geminis taldeko Manex Larrañaga Sarriegi, liderrarengandik hamabost segundora.