In Leike kultur elkarteak eta Udalak elkarrekin hartutako erabakia izan da. Segurtasunaren izenean hartu dute erabakia, arrisku egoerak saihesteko. Herriko Enparantzan zuten sua piztekoa bihar, iluntzearekin batera, baina eguraldiak bestela jokatzea eskatzen duela arrazoitu dute. Era berean, zentzunez jokatzeko eskatu diete herritarrei, eta San Joan surik ez egiteko bazterretan, sute arriskua handia delako.
Alerta gorriak Mendaron biharko iragarrita dagoen San Joan bezperako Akelarreari ere eragin dio. Izan ere, In Leike kultur elkartetik jakinarazi berri dute ez dutela bihar San Joan surik piztuko. Hala ere, zehaztu dute suaren bueltan egin ohi duten Akelarrea mantendu egingo dutela eta parte hartzera deitu dituzte herritarrak.