Helduen kategorian, lau sari banatu dituzte. Sari nagusia, 700 eurokoa, Jose Miguel Arranz erandioarrak irabazi du eta bigarren saria, 500 eurokoa, beste bizkaitar batentzat izan da, Ugaotik etorri den Iker Mugarrarentzat, iaz laugarren saria irabazi zuenarentzat. Mugarrak Garagartzako paisaia bat aukeratu du margolanerako, zehazki Landa erretegi atzeko zubia eta Kilimon erreka, eta esandako moduan, errifa bidez zozkatu du Udalak. Beste bi sari ere banatu dituzte, 300na eurokoak. Hirugarren accesita Carlos Espiga bilbotarrak irabazi du, eta laugarrena, Iban Aranburu beasaindarrak.