Zehaztu dutenez, esleipena prozedura irekiaren bidez egingo dute, eta kontratuaren hasierako iraupena urtebetekoa izango da, nahiz eta urtez urte luzatu ahal izango duten, gehienez ere lau urterako. Gutxieneko lizitazio-kanona, berriz, urteko 4.500 euroan ezarri dute, eta lizitatzaileek gorantz hobetu ahal izango dute kantitate hori.
Dokumentazio guztia, Udalaren webgunean
Lizitazioari buruzko dokumentazio guztia Mendaroko Udalaren webgunetik sar daitekeen kontratatzaile-profilean dago eskuragarri –bai baldintza administratiboen plegua, bai preskripzio teknikoen plegua–, Sektore Publikoaren Kontratazio Plataforman. Udalak zehaztu du azaroaren 3tik abenduaren 2ra aurkeztu ahal izango direla eskaerak, bi egun horiek barne, eta, zalantzarik izanez gero, honako telefono honetara deitzeko eskatu dute; betiere, lanegunetan eta 09:00etatik 15:00ak bitartean: 688 68 70 89.
Enetz Ezenarro alkateak zehaztu du lehenbailehen lotu nahi dutela kontu hori, obrak amaitu eta taberna irekitzeko prest dagoen momentuan bertatik hasteko zerbitzua ematen. Eta gaineratu du: "Eperik laburrenean bai jubilatuen lokala eta bai taberna martxan jartzea da gure asmoa".