Josi eta Josi taldekoentzako eskaintza zena herrira zabaldu du In Leike kultur elkarteak. Joan zen ostiralean egin zuten ikastaroa Josi ta Josikoek. Orain, baina, beste ikastaro bat antolatu dute hala nahi duten mendaroar guztiei irekia. Ostiralean, hilaren 20an, egingo dute ikastaro hori, udaletxeko hirugarren solairuan, 16:00etatik 19:00etara. Ikastaroaren prezioa 80 eurokoa da, baina erdia In Leike kultur elkarteak finantzatuko du, beraz, 40 euro ordainduko beharko ditu izena ematen dutenek. Interesatuek mendaroninleike@gmail.com helbidera idatzi behar dute izena emateko, beranduenez azaroaren 19rako (osteguna). Bergarako Black3 Bordatuak dendako Maribel Carazo Iturriagak emango du ikastaroa.