Kontzertua emango dute Ameikutz musika eskolakoek, asteazkenean, Musikalean ekimenaren baitan

Ainara Argoitia Arano

Artxibokoa da argazkia, duela bi urte, ikasturte amaieran, plazan eman zuten kontzertukoa.

Euskal Herriko Musika eta Dantza Eskolen Elkarteak sustatutako Musikalean ekimenarekin bat egingo du aurten ere Mendaroko Ameikutz musika eskolak, eta asteazkenean, azaroaren 18an, kontzertua emango dute, Trinitate baselizan.

 

 

Musikarien zaindari den Santa Zezilia egunaren bueltan egin ohi da beti Musikalean, eta aurtengoa, hemezortzigarren edizioa izango da. Mendaroko Ameikutz musika eskolakoek ere urteak daramatzate ekimenarekin bat egiten, eta aurten ere, batuko dira. Xehetasun handirik ez dute aurreratu musika eskolatik, baina jakinarazi dute guztira 35 bat lagunek parte hartuko dutela kontzertuan. Abesbatzako neska-mutilak, gitarra ikasleak eta trikitilariak irtengo dira jendaurrera. Kontzertua, Trinitate baselizan izango da.