Urtea amaitu baino lehenagoko batzarrean mahai gainean jarriko du Udal Gobernuak (EAJ eta PSE-EE) 2019rako prestatu duen aurrekontu proposamena. Eta ezustekorik ezean, onartu ere urtea bukatu aurretik onartuko du berau, gehiengo dira-eta udalbatzarrean.
Hori bai, datorren eguazteneko osoko bilkurak erakutsiko du proposamenari buruzko ze iritzi daukan oposizioan dagoen EHBildu koalizioak, eta haren gainean egiten duen irakurketa.
Azoka plaza
19:00etan hasiko da udalbatzarra, eta 2019rako aurrekontu proposamenarekin batera, haren exekuzio-araua ere langai izango dute udal ordezkariek.
Horrekin batera, bestelako puntu batzuk ere izango dituzte aztergai; esaterako, 2019. urterako lantalde organikoa, Soraluzeko Udalean euskararen erabilera normalizatzeko plana eta Soraluzeko udal merkatu plazan salmenta-postu finko bat jartzeko eta ustiatzeko administrazio-emakidaren esleipena arautuko duen baldintza agiria.