Borinagak esperientzia luzea du udalgintzan. Lehen aldiz, 2007ko hauteskundeetan hartu zuen zinegotzi kargua – orduan zerrendaburu zen Sole del Bosqueren aldamenean-. Orduz geroztik, hiru agintaldi egin ditu zinegotzi moduan - azken biak alkategai-. Gaur egun, alkateorde kargua du PSE-EEk EAJ-rekin batera osatzen duen Udal Gobernuan.
Lehentasunak
Borinagak adierazi duenez, bere lehentasunetako bat Irisgarritasun planean aurreikusitako proiektuak garatzen jarraitzea, “irisgarritasunean inbertsitzea pertsonen bizi kalitatean inbertitzea delako”. Horrekin batera, azpimarratu du herrian egiten diren inbertsioak auzoetara helarazteko beharra: “Badira auzoak denbora luzean hobekuntzarik egin barik daudenak eta jatea bezain beharrezko da horietan inbertsioak egitea.
Arlo soziala ere bultzatu asmo du, kaleko hezitzaileen programa bat abiatuz eta familietako eskuhartzerako programa indartuz. Gainera, ezinbesteko jotzen du umeentzako estalitako espazio bat egokitzea eta jolastokiak eraberritzea, lehentasunen arabera.
Azkenik, konpromisoa hartu du berdintasunaren gaia bultzatzen jarraitzeko, III. Berdintasun plana eratuz, eta herritarren parte hartzea bultzatzeko, herrian egin berri den lehen kontsultaren bidetik.