Edukiontzi-gune osoa obra hondakinez betetako zakuz inguratuta aurkitu zuen atzo Iker Aldazabal alkateak. Gertakaria salatzeaz batera, herritarren laguntza eskatu du, nork utzi dituen ikusiz gero, udaletxean jakinaraz dezan.
Zoritxarrez, sarri erakusten du itxura narrasa San Andresko eta Txurrukako bidegurutzeko edukiontzi-guneak, bertan lagatzen dituzten hondakinengatik. Horren adibide da, atzo, eguena, erakusten zuen itxura: obra hondakinez betetako zaku piloa bota zuen norbaitek. “Ez dago eskubiderik!”, diote Udaletik, laguntza eskatzeaz batera.