Avanza Gipuzkoako langileek hainbat eraso jasan ondoren, euren integritate fisikoa babestuko duten neurriak hartzeko eskatu zioten enpresari, bestela, lanuzteak egiten hasteko asmoa plazaratu zuten. Astelehenetan eta barikuetan, 06:00etatik 08:00etara eta 18:00etatik 20:00etara.
Gaur, urriaren 18an, hasi dira iragarritako lanuzteekin. Iluntzean egingo dute bigarrena eta lan batzordeko ordezkariak jakinarazi du barikuan, urriaren 22an, gauza bera egingo dutela, goizean zein iluntzean.
Lan batzordetik iragarritakoaren arabera, lanuzteak mugagabeak dira, harik eta enpresaren erantzunen bat eskuratu arte. Gaineratu dute, lanuzteekin batera, elkarretaratzeak ere egingo dituztela, Arrasaten.
