Txiribizkau berba norbait alkohola edanda txispatu dela (zeharo mozkortu barik) adierazteko erabili izan da Plazentziako hizkeran. Adibidez, honela:
- Plazentziako berbetan: "Pixkat txiribizkauta habil, ezta?" "Bai, gaur pintxo-potia luzetxo joiak".
- Euskara batuan: "Pixka bat txispatuta habil, ezta?" "Bai, gaur pintxo-potea luzetxo zoak".
Iturria: Ramiro Larrañagaren berba zerrenda.
Iturri osagarriak: Euskaltzaindiaren Orotariko Hiztegiak, Euskara Batuaren Hiztegiak eta Bergarako hiztegiak ez dute forma hori jasotzen, bai, ostera, txiri forma, itxura batean beste esanahi batzuekin lotuta bada ere.