Gaur, Soraluzeko kaleak musikaz, barrez eta umez beteta daude, Kukumixoren udalekuen azken eguna den honetan, egun osoko festa egiten ari baitira kalerik kale eta txokorik txoko. Kukumixoko begiraleek sukaldaritza, ile-apaindegia, grafiti-gunea eta slime-gunea egokitu dituzte eta umeak batetik bestera dabiltza denetik probatzen, autobus magikoarekin eta bertako gidari zoroekin. Bazkalostean ur-txirrista muntatuko dute, udaletxe ondoko aldapan.