Atzo, barikua, indartsu ekin zioten Euskal Ligako finalari Soraluzeko Pilota Elkarteko Manex Balerdik eta Ander Muruak, 10-0ko aldea ateratzeraino Oier Hormaetxe eta Edorta Bilbaori.
Orduantxe hasi ziren lezamarrak tantoak egiten, baina Soraluzeko elkartekoek hasieran lortutako abantailari eutsi egin zioten eta 18-4, 19-10 eta azkenean, 22-12 eginda bukatu zuten partida.
Bestalde, esan finala Ander Muruak jokatu zuen arren, txapelketako partida erdiak Aitor Mendizabal aurrelariak jokatu zituela.