Atzo, domeka, batukada feministak eman zien amaiera Soraluzeko jaiei. 20 emakume pasak osatutako talde ikusgarriak erritmoz blaitu zituen Soraluzeko kaleak eta plazak. Beltzez eta morez jantzita atera ziren eta danborinak, kaxatxoak, danborrak, kanpaiak eta bestelako perkusio instrumentuekin doinu indartsuak haizatu zituzten, inguruko ikusle asko dantzan jarriz. Nerea Mendiak gidatu zuen taldea. Bi tailer egin dituzte uztailean atzoko saioari begira.